هذه القصيده من الشاعر مسفر بن محمد بن فصيان اليامي
يالله يا معتني بالنقص والزود ||| زبنك من النار ياللي ترفع الشاني
يافهم الغيب والطلبات موجود ||| الملك بيدك ولاكونت شي كانـي
البارحة ساهروالعـالـم ارقـود ||| والقلب مما سمعنا كنه سكـرانـي
اوحيت بين النشاما بدع وردود ||| اهل الكرم والشجاعه كل بطراني
اهل الكرم والشجاعه كل ملقوط||| ولهم تواريخ شايـبـهـم وشــبـانـي
بين النسي والعوالق بدع وردود||| واصبح يسقي بماها كل عطشاني
ومن شرب ماها تعافا كل مارود||| وينشط اللي دناه الشيب كسلاني
ومن المرازيق حيت البدع مضبوط|| ومن المناصيراوحيته وال مرواني
ومن الشريف الهبيلي مروي العود|| وعادات قدهي لهم في كل ميداني
ومن الذويي سمعنا القول بشهود ||| يوفون بالله على الختمه وقرءاني
مانا تحدا لهم كساب منقود ||| اهل الشرف بينهم كالو بميزاني
يا ريت لي مثلهم ضباط وجنود||| على الحلايل تجيني كل محياني
من الهواجيس جاني حر وبرود||| ومن الضما قاطر الشنات ماسقاني
وتغير الوقت عاد الوقت محدود||| راعي الوطا معتلي في راس ماباني
وراعي القلم به تحدا مانع الذود||| اللي على ساس جدانه وبرهاني
اخص باهل القلم مفتين وهنود ||| وبالحل تكفي لشاره كل فهماني
ماعلم ان اهل القلم منابمضهود||| يا بن جرادان عندك حل ماغاني
مادمت بالطيب بابلغ كل مجهود|| وان مت عاد النشاما نسل واخواني
الجسم لابد ياكل منه الدود ||| ويصبح محاسب على سيه وغفراني
عقب الطرب عاد به لزات ولحود|| وبو حمد قال ماباالناس تسهاني
احب ذكرالنشاما تشهد النود ||| اللي على العز والناموس حلاني
وحب ذكر النشاما تشهد النود || حتى ولاذكرهم ياتي بشرطاني
واحب ذكر النشاما تشهد النود ||| حتى ولوماذهبوني دوب مجاني
واحب ذكر النشاما تشهد النود ||| والناس تشهد معي مانا بغلطاني
شيبت والقلب عندي كنه مالود ||| متولعن في هوى مريوش لعياني
وقلت ياقلب خاف الله من الزود||| خلك مع مشترين المعز والضاني
وقال لاماحصل من نضرتي فود||| باطلب نقولي مع ذربين ليماني
وقلت وقع وهات ارهان معدود ||| انك على ماحكمت اليوم طرباني
وقال سبيتني تبنا لك السود ||| نسيت ماقد مضى منك وما جاني
نتبع هوى البل معك في رمل وحيود||| ونطرد الصيد وافيها وغزلاني
هذاء جوابي على كسابت الجود ||| اهـل الـبـنـادق لما ثارت بعماني
لما اختلف في المحاجي كل مقرود || مـاعـاد يـنـفع مدركهم ولاالعاني
وسلام من خاطرماهوب معقود ||| من عطريملى منازلهم ونجراني
وصلات ربي عدد ماينبت العود || عقب المخاييل من مطار قنفاني
تمت هذه الابيات من قايلها مسفر بن محمد الرزقي اليامي
ويليها الجواب من بن جرادان النسي