كلمـــات للشاعر( محمد بن فطيس المري)
ليه المسا عوق الشقـاوي وصبـه ...... وليه الهبوب تصحي القلب لابـات
وليه القمر يدعي جريـح المحبـه ..... ويقول له ياهيه مافـات مـا مـات
جرحك ظهر لوقلـت للوجـه خبـه .... وللحزن في ضحكك رسوم وعلامات
وليه المطر بالذات ريحـه وصبـه .... كنه رسول بيـن الاحبـاب بالـذات
اشتـاق فيـه لشوفتـك واتنـبـه .... للي نسيته من مواقـف ونظـرات
لا استانس الخافق ذكر مين يحبـه.... ورجع يراجـع بالوناسـات مافـات
يامرتـع القلـب الحزيـن ومربـه ... يزين بك مثل الذهب صدر الابيـات
هيهات ينسى القلب شخصـآ لعبـه ... وهيهات يدله خاطري منك هيهـات
نبع الغلا عنـدك وعنـدي مصبـه ..... ومن الوله في خافقي لـك ولايـات
وطيفك حطب عيني وعيني مشبـه.... والشوق برد ما انقطع منه صبحات
مكانك الصدر ولـك القلـب شبـه .... بين الضلوع اللي فردهن التنهـات
ولك بيـرق بالقلـب حبـك يهبـه .... شامخ ولاهزه من العـذل غـارات
محبـتـك بالـوقـت ذا ماتشـبـه .... الا بخيمـه بـدو بيـن العمـارات
ان شفتني ضايق واهوجس واسبـه .... اخاف غدر الوقت والوقـت دورات
لاتحسب ان دمعي نزل دون سبـه .... ابكي من الفرقا وهي بعـد ماجـات
اليـوم كـل امـورنـا مستتـبـه ..... وبكره ماندري وش معه من مسرات
أرب قلبـك مثـل قلـبـي اربــه ..... مايخلفه كثر العـذل والمسافـات
ليه المسا عوق الشقـاوي وصبـه ...... وليه الهبوب تصحي القلب لابـات
وليه القمر يدعي جريـح المحبـه ..... ويقول له ياهيه مافـات مـا مـات
جرحك ظهر لوقلـت للوجـه خبـه .... وللحزن في ضحكك رسوم وعلامات
وليه المطر بالذات ريحـه وصبـه .... كنه رسول بيـن الاحبـاب بالـذات
اشتـاق فيـه لشوفتـك واتنـبـه .... للي نسيته من مواقـف ونظـرات
لا استانس الخافق ذكر مين يحبـه.... ورجع يراجـع بالوناسـات مافـات
يامرتـع القلـب الحزيـن ومربـه ... يزين بك مثل الذهب صدر الابيـات
هيهات ينسى القلب شخصـآ لعبـه ... وهيهات يدله خاطري منك هيهـات
نبع الغلا عنـدك وعنـدي مصبـه ..... ومن الوله في خافقي لـك ولايـات
وطيفك حطب عيني وعيني مشبـه.... والشوق برد ما انقطع منه صبحات
مكانك الصدر ولـك القلـب شبـه .... بين الضلوع اللي فردهن التنهـات
ولك بيـرق بالقلـب حبـك يهبـه .... شامخ ولاهزه من العـذل غـارات
محبـتـك بالـوقـت ذا ماتشـبـه .... الا بخيمـه بـدو بيـن العمـارات
ان شفتني ضايق واهوجس واسبـه .... اخاف غدر الوقت والوقـت دورات
لاتحسب ان دمعي نزل دون سبـه .... ابكي من الفرقا وهي بعـد ماجـات
اليـوم كـل امـورنـا مستتـبـه ..... وبكره ماندري وش معه من مسرات
أرب قلبـك مثـل قلـبـي اربــه ..... مايخلفه كثر العـذل والمسافـات
