[size=16]ياعام ضاوي بالحزن ويش ضواك****** وش كلفك ياعام توصل الينا
ماحن بحاجه لك ولا حن نبغاك ****** لكن مقادير البلا تبتلينا
ياعام ماتصبر علينا ب ملفاك ******* ليتك صبرت ياعام عدت سنينا
اخذت مني ابوي ياعام لا اسقاك **** وخليتني من بين خلقك حزينا
يادمع عيني ذي محدر بمنحاك ****** هذا من الله وغصبن علينا
ياعين خفي دمعك الي نثر ماك******ياقلبي تصبر على ما لقينا
مرحوم يالي دايم الطيب شرواك **** تشري فخر نفسك بفعل اليمينا
مرحوم يالي تكرم الضيف يمناك **** بالقهوة البري وشحم السمينا
مرحوم يالي دايم الجود ممشاك **** ولا كان دون الخو ترضى بشينا
مرحوم يالي دايم الخوي ينصاك **** وتصير له حصن(ن) منيعا متينا
مرحوم يالي دوب للهرج فكاك ****** لا تخالفت الاشوار شورك يبينا
يابوي ريتني الكفن ذي توقكاك **** واحميك من لمسات رمل(ن)وطينا
ويابوي ريتني انا دايم حذاك ****** وماافارقك يابوي لحظه وحينا
لكن ابوي ذي صار عقباك ******** ربيع اخوي اصبح حدا والدينا
الله يلزمه الصبر عقب فرقاك ****** ذه حاله الدنيا على المسلمينا
وانت رحلت اليوم وحنا فقدناك ***** لكن بعد ايام بك لاحقينا
وعساك في الجنه مقرك ومثواك *** تسكن ديار الخلد باحسن سكينا
تحياتي لكمـ
