.. بسم الله الرحمن الرحيم ..
..سلطان بن رباح كان له خوي اسمه محمد بن عقيل كانت جامعتهم الدنيا على عز ومعزه وهم كانوا يحبون الصيد طلعوا مره يدورون للصيد ويوم جا حزة الظهر ووقت الغدا ومحمد بن عقيل يشتغل في الغدا وسلطان بن رباح جالس ينظف بندقه وكان فيه طلقه في البندق مايدري بها إلا رب العالمين وسلطان مادرا عنها وثارت البندق وجات مع الصدفه في خويه محمد وانتهى كل شي عود سلطان وشال خويه للمستشفى وسلم نفسه بعدها بدت الوسايط يتوافدون على أهل محمد وللأسف وصلت الديه عشره ملايين لكن أهل محمد رفضوا الا راس براس والصدفه بالموضوع بعد قصاص سلطان وبعد دفنه صارت قبورهم بجنب بعض وقال الشاعر ( جراء ) هذه القصيدة المحزنه :
. يافلاح الهم خيم فوق قلبي يافلاح
كيف تبغاني أسولف وأنت خابرني عليل
. ويش قولك في عليل في حياته
مستراح
تنتثر دمعة عيونه لا اظلم الليل الطويل
. حالته لا ماتباعد حال سلطان الرباح
بالخطا راحت حياته والخطا ماله مثيل
. كان هويا صاحبه اثنين في ارض براح
يطردون الصيد دايم من الصبح لين المقيل
. جمعتهم خوة الدنيا على جد ومزاح
مايهابون الليالي والحمول اللي تميل
. ماقتل عامد ولكن ثور بليس السلاح
بالخطا ثار السلاح ووين يلقى له دليل
. وانعقد سجنه وربعه تنتظر فك السراح
والأكيد إنه سجين ومارضوا أهل القتيل
. هل دمعه يوم صلى ركعتين في الصباح
في نهار الجمعه اللي من ثقيل في ثقيل
. هلل وكبر ونفسه تذكر اللي راح راح
كان في ربعه عزيز وذلة الوقت الذليل
. لامحمد ولاتهاني ولاسعود ولاصلاح
كلهم كانوا على باله وهمه في هديل
. طفلتن ماكملت عامين صايبها كساح
وانتثر دمعه وحاله من سبايبها نحيل
. وحان تنفيذ القصاص ولفوا الراس بوشاح
وجاك سيافه يشيل السيف أبو حد صقيل
.وارتخى راسه وزادوا الموقف صياح
بين نوح وبين دمع وبين صيحات وعويل
. وارتفع صود الحشود وزاده محمد وصاح
يايبه تكفى دخيلك تستمع قول الدخيل
. يايبه وشلون نصبر كيف نهجع بارتياح
وانت من دنيا عيالك ماخذك مر الرحيل
. يامحمد هاك علمي واحفظه قبل المراح
انتبه لخوانك وحط بالك عليهم لاتعيل
. والله الله في الصلاة وفي الصيام وفي الصلاح
والله الله بامكم والله لكم بعدي كفيل
. وغمض عيونه ونفسه تطلب من الله السماح
رافع سبابته مظلوم والله الوكيل
. وسل سياف الصفا سيفه وطق الراس طاح
راس سلطان المراجل وانتثر دمه يسيل
. وغسلوه وكفنوه وفاح ريح السدر فاح
وبالأصادف صار قبره جنب قبر بن العقيل
. يافلاح الكارثه ماهي سوالف يافلاح
خلني ساكت ودور غير هالقصه بديل
..( صح لسان اللي قالها) ..
..سلطان بن رباح كان له خوي اسمه محمد بن عقيل كانت جامعتهم الدنيا على عز ومعزه وهم كانوا يحبون الصيد طلعوا مره يدورون للصيد ويوم جا حزة الظهر ووقت الغدا ومحمد بن عقيل يشتغل في الغدا وسلطان بن رباح جالس ينظف بندقه وكان فيه طلقه في البندق مايدري بها إلا رب العالمين وسلطان مادرا عنها وثارت البندق وجات مع الصدفه في خويه محمد وانتهى كل شي عود سلطان وشال خويه للمستشفى وسلم نفسه بعدها بدت الوسايط يتوافدون على أهل محمد وللأسف وصلت الديه عشره ملايين لكن أهل محمد رفضوا الا راس براس والصدفه بالموضوع بعد قصاص سلطان وبعد دفنه صارت قبورهم بجنب بعض وقال الشاعر ( جراء ) هذه القصيدة المحزنه :
. يافلاح الهم خيم فوق قلبي يافلاح
كيف تبغاني أسولف وأنت خابرني عليل
. ويش قولك في عليل في حياته
مستراح
تنتثر دمعة عيونه لا اظلم الليل الطويل
. حالته لا ماتباعد حال سلطان الرباح
بالخطا راحت حياته والخطا ماله مثيل
. كان هويا صاحبه اثنين في ارض براح
يطردون الصيد دايم من الصبح لين المقيل
. جمعتهم خوة الدنيا على جد ومزاح
مايهابون الليالي والحمول اللي تميل
. ماقتل عامد ولكن ثور بليس السلاح
بالخطا ثار السلاح ووين يلقى له دليل
. وانعقد سجنه وربعه تنتظر فك السراح
والأكيد إنه سجين ومارضوا أهل القتيل
. هل دمعه يوم صلى ركعتين في الصباح
في نهار الجمعه اللي من ثقيل في ثقيل
. هلل وكبر ونفسه تذكر اللي راح راح
كان في ربعه عزيز وذلة الوقت الذليل
. لامحمد ولاتهاني ولاسعود ولاصلاح
كلهم كانوا على باله وهمه في هديل
. طفلتن ماكملت عامين صايبها كساح
وانتثر دمعه وحاله من سبايبها نحيل
. وحان تنفيذ القصاص ولفوا الراس بوشاح
وجاك سيافه يشيل السيف أبو حد صقيل
.وارتخى راسه وزادوا الموقف صياح
بين نوح وبين دمع وبين صيحات وعويل
. وارتفع صود الحشود وزاده محمد وصاح
يايبه تكفى دخيلك تستمع قول الدخيل
. يايبه وشلون نصبر كيف نهجع بارتياح
وانت من دنيا عيالك ماخذك مر الرحيل
. يامحمد هاك علمي واحفظه قبل المراح
انتبه لخوانك وحط بالك عليهم لاتعيل
. والله الله في الصلاة وفي الصيام وفي الصلاح
والله الله بامكم والله لكم بعدي كفيل
. وغمض عيونه ونفسه تطلب من الله السماح
رافع سبابته مظلوم والله الوكيل
. وسل سياف الصفا سيفه وطق الراس طاح
راس سلطان المراجل وانتثر دمه يسيل
. وغسلوه وكفنوه وفاح ريح السدر فاح
وبالأصادف صار قبره جنب قبر بن العقيل
. يافلاح الكارثه ماهي سوالف يافلاح
خلني ساكت ودور غير هالقصه بديل
..( صح لسان اللي قالها) ..